Les mots surlignés font l'objet d'une note
1Monseigneur, parce que lon madict que monsieur de St-André est de present à
2Orange et que lon ne scait quand il doibt estre de retour, je suis contrainct
3de sejourner dedeça plus que je ne pansois, qui me mect en une fort grand
4peyne pour la craincte que jay que ce pendant monsieur de Rignac que
5doibt arriver ce jourdhuy à Vallance, ne passe aultre sans que jaye
6moyen de parler à luy et scavoir s’il a receu lassignation des compaignies
7qui sont en votre gouvernement, et entedre de luy ce que affaire dedeça.
8Toutesfois, je me suis pensé quil seroit bon vous en advertir et supplier
9pour me tirer hors d’icy, me renvoyer devant quelque autre, ou bien,
10monseigneur, me permectre de prandre dans le pacquet ma commission
11et votre actache, qui est une chose si raisonnable que je ne feray
12difficulté de vous en requerir, massurant qu’en ayant comunicqué
13à qui il vous plaira vous le trouverez ainsi au demeurant monseigneur
14je ne vouldrois prandre ceste hardiesse, je vous supplie bien humblement
15m’en mander votre volunté par ce porteur, à laquelle j’obeyray saussi
16bon cueur que je supplie le Createur vous donner
17monseigneur en santé longue et heureuse vye. A Grenoble, ce XXIe
18septembre 1571
19votre très humble et obeissant
20serviteur
21Bajoue